خلوص

1:17 AM 1 Comments

آپ سے معضرت کے ساتھ۔ آپ نے خلوص کو جن چیزوں سے تشبیح دی ہے وہ کہیں سے بھی خلوص پر پوری نہیں اترتیں۔ آپ اس کو تکلّف توکہ سکتے ہیں مگر خلوص ہرگز نہیں۔ تکلّف کی ایکُحد ہوتی ہے اور جب وہ اس حد کو پہنچتی ہے تو بے تکلّفی میں بدل جاتی ہے۔ ہم آپ جناب کے اونچے پہاڑ سے نیچے آتے ہیں تو تُوتڑاخ پر اتر آتے ہیں۔ اور بے تکلفی کی اپنی کوئ انتہا نہیں۔ آپ چاہے پیار سے برا بھلا بھی کہیں تو برا نہیں لگتا کیونکہ شرم اور لحاظ اس بے تکلّفی کے طوفان میں کہیں کھو چکے ہوتے ہیں۔ خلوص اس کے بالکل برعکس ہے۔ رشتہ چاہے ایک دن کا ہو یا ایک سال یا ایک صدی کا۔ اس کی شکل کبھی نہیں بدلتی۔ اس کی کوئ حد نہیں اور اس سے کسی کو کوئ نقصان نہیں ہوتا۔ آپ چاہے جتنے بے تکلّف ہو جائیں آپ کو پر خلوص ہونے سے کوئ نہیں روک سکتا۔ خلوص کی بنیاد نیک نیتی پر کھڑی ہے۔ رشتہ چاہے میاں بیوی کا ہو ماں باپ کا بہن بھائ کا یا دوستی کا ہر رشتہ کی بنیاد خلوص پر مبنی ہوتی ہے۔ اگر ہم پرخلوص ہیں تو ہمارے رشتے پائیدار اور ہر ڈر اور خوف سے پاک رہیں گے۔ اس بات سے قطع نظر کہ ہم ان رشتوں سے کتنے بے تکلّف ہیں یا ہیں بھی یا نہیں۔ خلوص آپ پر پہرے نہیں لگاتا یہ آپ کے پر نہیں کاٹتا۔ یہ کام صرف تکلّف کرتا ہے۔ جیسے کسی نے کیا صحیح کہا ہے " تکلّف میں ہے تکلیف سراسر"۔ خلوص آپ کے کردار کا حصہ ہے ۔ اسے پیدا نہیں کیا جاسکتا نا ہی یہ کوئ عادت ہے جسے سیکھا جاسکتا ہو۔ آپ پر خلوص ہیں یا نہیں ہیں۔ یہ صرف اور صرف آپ ہی بتا سکتے ہیں اور کوئ نہیں۔ اور بے تکلّف ہونا اس بات پر کبھی اثر انداز نہیں ہوگا کہ آپ کتنے پر خلوص ہیں۔ ۔۔۔ سلیم