زندگی اور موت

6:11 AM 0 Comments

 ہم سب اک گرینڈ گرینڈ ہائی فائی سافٹ ویئر کے تخلیق کردہ کردار ہیں

جی ہاں ! جس طرح ایک ہی موبائل ایپلیکیشن ہر کسی کے موبائل پر اسی شخص کا ڈیٹا دکھاتی اور اسی موبائل یوزر کے مطابق چلتی ہے. اسی طرح اس گرینڈ سافٹ ویئر کی آؤٹ پٹ ان گنت زبردست تھری ڈی ویڈیوز کی صورت چل رہی ہیں جو ہر شخص (کردار) کے لئے مختلف ہیں. ہر شخص کی اپنی ویڈیوز کو "زندگی" نامی ڈرامے کا نام دیا جا سکتا ہے. ویڈیوز انتہائی اعلی قسم کی ویژؤل اور ساؤنڈ ایفیکٹس پر مبنی ہیں اور یہی انگنت ویڈیوز جو مختلف زاویوں سے ہر کسی کو نظر آ رہی ہیں وہی اس ڈرامے میں حالات و واقعات کی اصل کنجی ہیں. ان تمام ویڈیوز کے کمبینیشن سے بننے والا ڈرامہ اسقدر دلفریب اور جاندار ہے کہ ہر کسی کو لگتا ہے کہ اس ڈرامے کا مرکزی کردار وہ خود ہے :)  ہمیں لگ رہا کہ ہم وقت کیساتھ آگے بڑھ رہے ہے جبکہ ہم وہیں کے وہیں موجود ہیں اور کوئی نادیدہ طاقت اپنے اسی سافٹ ویئر کی مدد سے ہمارے اردگرد سبھی مناظر اور کرداروں کو الٹ پلٹ کر تبدیل کر رہی.

بہت سی انسٹرکشنز پہلے سے ہمارے اندر فیڈ کی گئی ہیں، یہی انسٹرکشنز ہماری سوچ ہیں، ہم ان محدود انسٹرکشنز سے ہٹ کر کچھ سوچ نہیں پاتے، کچھ کر نہیں پاتے. پھر علم کا جھانسہ موجود ہے ، کتابوں اور تجربوں کے بونس پوائنٹس ہیں جو ایکسٹرا انسٹرکشنز کے طور پر ہمیں حاصل ہوتے ہیں. اور ہم خوش ہوتے ہیں کہ ہم نے نجانے کیا سیکھ لیا، نجانے کیا پا لیا.

ہمیں روبوٹوں کی طرح کچھ محدود جسمانی صلاحیتیں دی گئی ہیں (جو ہماری انسٹرکشنز کی تعلیمات کے مطابق بہت زیادہ ہیں)، پھر ورزش، ڈائیٹ، پیچیدہ جسمانی نظام کے جھانسے سے جسمانی صلاحیتوں میں تھوڑا سا اضافہ بونس کی طرح ملتا ہے.  اور ہم اسے فٹنس کا نام دے کر خوش ہو جاتے ہیں. اسی طرح بیماریوں دواؤں کا کیمیائی سسٹم بھی موجود ہے.

سافٹ ویئرز میں موجود ان انسانی کرداروں کے اندر مزید فیلنگز، مُوڈ وغیرہ کا زبردست سسٹم انسٹال کیا گیا ہے. جن کے اتار چڑھاؤ ہماری جسمانی کیفیات ، اور اردگرد کے حالات و واقعات کیساتھ زبردست انداز سے منسلک ہے. بظاہر لگتا یہی ہے کہ یہ سب کسی خودکار نظام کی طرح کام کرتا ہے. لیکن شائد سبھی کچھ اتنا خودکار (آٹو میٹک) بھی نہیں. جسطرح ٹیپ ریکارڈر کا والیم والا نوب گھما کر آواز اونچی/ نیچی کی جاتی ہے ویسے ہی اس سسٹم کے باہر کہیں بہت سی نوبز اور بٹن موجود ہیں، جن کے استعمال سے ہماری فیلنگز کنٹرول ہو رہی ہیں . ہمیں کب خوش ہونا ہے کب غمگین؟ کب پیار کرنا ہے اور کب نفرت؟ کہاں خلوص اور کہاں سنگدلی؟ کب مجبوری اور کہاں جارحیت برتنی ہے؟ کب ہنسنا اور کب رونا ہے؟ بظاہر یہ سب کسی خود کار نظام کی طرح محسوس ہوتا ہے لیکن اس میں دھاندلی کے شبے کو نظر انداز بھی نہیں کیا جا سکتا. 😂

ہمارے اردگرد سبھی کچھ انتہائی بے ضرر ہے. لیکن سافٹ ویئر، زبردست تھری ڈی ویژؤل اینڈ ساؤنڈ ایفیکٹس ، انسٹرکشنز اور فیلنگز کے اتار چڑھاؤ کی بدولت یہ انتہائی اہم محسوس ہوتا ہے

اور موت ؟؟؟؟ وہ تو مسئلہ ہی کوئی نہیں. جب اتنا مافوق الفطرت نظام بنایا جا سکتا ہے وہاں ڈرامائی انداز میں کسی کردار کو کبھی بھی آن / آف کرنا کون سا مشکل کام ہے :)

"

صفحہ صفحہ گزر رہے ہیں دن

ہم ہیں کردار کسی فسانے کے

"