میں

10:24 AM 0 Comments

بچپن، جوانی، شادی، بچے، کام
اتنے سارے لوگ، رنگ برنگے نام
اپنے آغاز سے تکمیل تک
ممکن ہی نہیں
جو دل میں بس اک ہی صورت ھو
جا بجا مسرتوں
اور بے شمار آنسوؤں میں بٹی
نامراد زندگی بھی جب مکمل ٹھہری
پھر کیا ضروری ھے کہ
من چاہی ھو
خوبصورت ھو
.
! کتنا سکھ
!کتنے تجربے
غلطیاں، ٹھوکریں، سبق
ذمے داریاں !! کچھ پوری ، کچھ اَدھ پوری
کچھ نامکمل، کچھ ادھوری
سب کہانیوں کو ملا کر
بنی اک ہی کہانی
اَن گنت ٹکڑے، چکنا چُور زندگانی
سب تجربوں کا حاصل گویا "میں" ھوں
اپنے لبوں کی یہ ھنسی "میں" ھوں.
میرے چہرے کا ہر اک زخم "میں" ھوں
.
- خرّم امتیاز -