کامیاب زندگی
کیا اچھی اور کامیاب زندگی یہ ہے کہ آپکا بچپن پرفیکٹ گزرے؟ آپ پڑھ لکھ جائیں، شکل اچھی ہو، اچھی نوکری لگ جائیں، من پسند جگہ پر شادی بھی ہو جائے، پھر بچے ہوں، ان کی تعلیم بھی اچھی ہو، انکی ہر ہر خواہش پوری ہو، پھر انکی نوکریاں، اور پھر انکی بھی شادیاں .. اور اس تمام عرصے میں پیسے کی کوئی بندش نہ ہو، دکھ نہ ملیں، سختیاں پیش نہ آئیں ، سب کچھ پرفیکٹ ہو؟؟؟
.
مگر نہیں !! یہ سب روٹین کی ایک آئیڈیل لائف تو کہلا سکتی ہے...مگر "کامیاب زندگی" شائد یہ نہیں. کامیابی یہ ہے کہ اللہ نے آپ کی زندگی کو آسان یا سخت جس بھی سچوئیشن میں ڈال رکھا ہے، اس کا مردانہ وار سامنا کیا جائے، درپیش سچویشن میں اپنی شخصیت کا بیسٹ پازیٹو اور پریکٹیکل چہرہ سامنے لے کر آئیں ... اس زندگی کے سٹیج پر جو بھی کردار اللہ نے آپ کو سونپا ہے، اسے پہچانیں، اس کردار کو عمدگی سے نبھائیں .... نہ کہ اپنے لئے من پسند آئیڈیل کردار اور اوتار ڈھونڈتے پھریں جن کے لئے آپ بنے ہی نہیں.
.
"اہم یہ نہیں کہ ہم نے دنیا سے کیا لیا؟ بلکہ اہم یہ ہے کہ ہم نے اس دنیا کو کیا دیا؟"
اور اس سے بھی زیادہ اہم سوال یہ ہے کہ ہم نے اپنی زندگی سے ابھی تک اس دنیا میں کیا بدلا ہے؟ ..... ہم آئے دن بات تو کرتے ہیں تبدیلی کی لیکن سب سے بڑی تبدیلی "سوچ کی تبدیلی" ہے جو محض گفتار، رونے دھونے اور کسی بھی قسم کی جارحیت سے ممکن ہی نہیں .... اگر ہم اپنے رویے، لائف سٹائل اور ہُنر سے کسی کی سوچ بدل سکیں، وہ سوچ جو ہمارے بعد بھی جاری رہے اور ہماری یاد دلائے، تو یہی ہے سب سے بڑی کامیابی.
- خرّم امتیاز
0 comments: