کافی سال پہلے میں بالاکوٹ گیا، اور ایڈونچر کرتے کرتے ھم دوست پہاڑیوں پر چڑھتے گئے اور ادھر مشکل ترین پہاڑی رستوں پر آباد اکا دکا گھروں پر مشتمل گاؤں دیکھے تو بہت حیرت ہوئی کہ یہ لوگ اکیلے آبادی سے دور اتنی مشکل جگہ پر کیوں رہائش پزیر ھیں.  اپنی ہر چھوٹی موٹی ضرورت کے لئے انہیں پہاڑ سے نیچے شہر کو آنا پڑتا تھا ..... وہ لوگ نیچے وادی میں بسے شہر میں بھی تو گھر بنا سکتے تھے، __________ اپنی اسی سوچ کا اظہار میں نے ادھر گاؤں کے ایک بزرگ سے کیا تو انہوں نے مجھے اپنے گھر سے ملحقہ کچھ قبریں دکھائیں، اور بتایا کہ یہ میرے پردادا کی قبر ھے، یہ میرے دادا کی، یہ میرے باپ کی قبر ھے ......... اور ساتھ ہی پڑی خالی جگہ کی طرف اشارہ کر کے فخریہ انداز میں بتایا کہ____ "یہاں میری قبر ھو گی" ____________ اس دن مجھے سمجھ لگی کہ لفظ "بنیاد پرست" کا مطلب کیا ھوتا ھے. اس بزرگ نے شائد مجھ سے زیادہ ہی پرسکون اور اطمینان بخش زندگی گزاری ھو گی. تو میں کون ھوتا ہوں اپنی سوچ اور جدت اس پر تھوپنے والا.

1 - پہلے مرحلے پر انسان شعوری یا لاشعوری طور پر ایسے دکھوں اور ٹینشنوں کو سوچنا شروع کر دیتا ہے، جن کی سر درد لئے بغیر بھی اسکے عمومی معاملات خاصے بہتر ہی چل رھے ہوتے ہیں ... مگر وہ خوامخواہ کے غم اپنی شخصیت سے منسوب کر کے اپنے آپ کو دوسروں کی نسبت زیادہ دکھی اور مظلوم محسوس کرنا شروع کر دیتا ہے.لاشعوری طور پر ایسا کرنے کا ایک محرک یہ بھی ہوتا ہے کے اسے لگنے لگتا ہے کہ اس کا تجربہ دوسروں کے مقابلے میں بہت زیادہ وسیع اور جذباتی معاملات میں اسکا ویژن بھی بہت زیادہ براڈ ہو گیا ہے. ایسے ہی میں کچھ لوگ اپنے آپ پر رحم کر کے خوش ہونا شروع ہو جاتے ھیں. اسی میں سکون محسوس کرنے لگتے ھیں. انھیں خود ترسی کا نشہ ہو جاتا ہے. پھر ایک وقت آتا ہے کہ خودساختہ کچھ نہیں رہتا، یہ فیکٹس ان کی زندگی اور شخصیت میں سیمنٹ کی طرح پکے ہو جاتے ھیں. 

2 - دوسرے مرحلے پر یہ لوگ اپنی ان دکھی کیفیات کو دوسرے لوگوں سے شیئر کر کے مزہ لیتے ہیں. ان کے غم سوشل ہو جاتے ہیں. اکثر و بیشتر باتوں میں دکھ کی شدت کم زیادہ کرنے کے لئے کچھ مصالحہ شامل کرنا پڑے تو وہ بھی کر لیتے ہیں. کمیونیٹیز اور حلقہ احباب میں لوگ ان کے غم اور مسائل کو ڈسکس کرتے نظر آتے ہیں. جو لوگ زیادہ ہمدردی، تسلی اور دردمندی کریں، انکے لئے آنسو بہائیں. انکو بیسٹ فرینڈز ہونے کا درجہ عنایت ہو جاتا ہے. سوشلی اپنے درد و غم کا اظہار ان کے کتھارسس کا حصہ بن جاتا ہے. انہی میں سے کچھ حد تک optimistic لوگ فنکار ، ادیب اور خصوصا شاعر بھی بن جاتے ہیں. اور نام و شہرت بھی کما لیتے ہیں.... اور باقی کے لوگ اپنے ہاتھ اپنا گلا گھونٹنے کی پوزیشن میں رکھتے ہوئے، رو دھو کر حبس زدہ ناشکری کی زندگی گزارتے رہتے ہیں. لیکن نہ یہ اپنا گلا گھونٹتے ہیں. نہ رونا بند کرتے ہیں. 

اور نہ ہی واویلا.

-

21 فروری 2014