اسلام - ایک لبرل دین
اسلام کی شروعات میں یہ اُس زمانے کے حساب سے تبدیلی کا دین تھا۔ ایک ایسا لبرل مذہب تھا جس نے چودہ سو برس پرانی قدامت پسند روایات کی حوصلہ شکنی کی تھی۔ اِس کے انقلابی پن اور مقبولیت کی سب سے اہم وجہ اسکا ہلکا پھلکا ہونا اور عام آدمی کے مطلب اور آسانی کیلئے سیدھی سادی بات کرنا تھا۔ جو ایک بَدو کو بھی سمجھ آ جاتی تھی۔
مگر وقت گزرنے کیساتھ اس میں اکابرین کا بوجھ شامل ہوتا گیا۔ آج کے مسلمان کو اپنے ایمان کیلئے اللہ کے احکامات کیساتھ ساتھ صدیوں پر محیط اسلامک ہسٹری، اکابرین کے کردار، انکے طرزِ عمل، طرزِ زندگی پھر انکی رنگ برنگی تشریحات (جنہیں عہدِ حاٖٖٖٖٖٖضر کے مسائل پر میپ کرنا جوئے شیر لانے کی مترادف ہے) کو بھی ساتھ ساتھ اٹھائے رکھنا اور اکثر انکا دفاع بھی کرنا پڑتا ہے۔ آج خود کو مذہبی کہلوانے والا طبقہ ہی قدامت پسند روایات کا سب سے بڑا محافظ بنا دکھائی دیتا ہے۔
دوسری جانب مُلا نے اپنی افادیت اور ضرورت کو ناگزیر بنانے کی خاطر مذہبی علم کی ایسی دیوار کھڑی کر دی ہے کہ آج ایک پڑھے لکھے شخص کو بھی دین کی بات سمجھنے کیلئے علماء کی مدد درکار ہے۔
0 comments: